BOHEEM deur Chanette Paul

Boheem is die derde spanningsroman uit Chanette Paul se pen en haar 32ste boek. Nog ’n moord word in die Niemandsdorp omgewing gepleeg, dié keer in die kunstenaarskolonie, Bohemia. Speurders Gys Niemand en Faantjie Fortuin moet weer agter die kap van die byl probeer kom, maar die keer is daar ’n hele paar komplikasies.

Katrien Bresselaar is dalk voor die reg vrygespreek van die moord op haar man, maar niemand het haar onskuldig bevind nie. En as sy een keer die sneller kon trek en daarmee kon wegkom, sal sy seker nie skroom om weer te moor nie?

Nie dat Katrien, nou bekend as Kayla Cilliers, by Rose-Anne Lockwood se dood sou baat nie. Dié befaamde moordverhaalskrywer is juis haar mentor. Maar dis Kayla wat die lyk ontdek en dis haar vingerafdruk op die moordwapen.

FORTUIN deur Chanette Paul

Fortuin is Chanette Paul se een en dertigste boek die afgelope 13 jaar en haar tweede spanningsroman. Reeds met Springgety wat in Oktober 2007 verskyn het, begin sy om ’n belangrike leemte in die spanningsgenre te vul. Met Fortuin voer sy haar ontdekkingsreis verder. 

Is Eva van Eden ’n heks of ’n engel, Paradyskloof die voorpoorte van die hemel of ’n onheilsnes? Dis wat joernalis, Xanthe Tredoux, moet gaan uitvind in opdrag van Tuisfront se redakteur. Waarom hy háár stuur, is vir haar duister, want hy weet sy het die kluts vyf jaar gelede kwyt geraak en dit nog nie weer gevind nie.

Onder Seespieël

Die Duet, Onder Seespieël, bevat Chanette Paul se heel eerste boek, Maalstroom van ekstase asook haar derde, Leerskool van liefde. Albei het skuba-duik as tema. Chanette het die Perskor-prys vir die beste romantiese fiksie in 1996 vir Maalstroom van ekstase gekry.

Branders van liefde

Branders van liefde is ’n heruitgawe van twee van Chanette Paul se gewildste romantiese komedies, nl. Op soek na ’n held en Porselein van staal wat in 2005 verskyn het.

Chanette Paul Omnibus 4

Chanette Paul Omnibus 4 bevat drie romantiese verhale wat in die Overberg afspeel, naamlik: Perlemoenmaan, Fynbos vir ? feeks en Toorliefde..