Meetsnoer
Meetsnoer deur Chanette Paul
Aantal bladsye: 630 ISBN: 978 0 7993 47234 Verskyningsdatum: Oktober 2010 Uitgewer: Lapa Uitgewers Meetsnoer is die vierde boek in die Gys Niemand-reeks. Een en twintig uitverkorenes van die Meetsnoer Tempel sal op 20 Oktober 2010 weggeraap word. Dit sal die begin wees van die einddae van die aarde en die verskrikking wat daarmee gepaardgaan. Voor die wegraping egter kan plaasvind, moet die apokaliptiese sluier gelig word. Profeet Sias moet neerskryf wat aan hom geopenbaar word en dit kan net op die nuwe Eden gebeur. Toe Raine Quinn Fluisterbos koop, weet sy nie sy ry Sias se heilige taak in die wiele nie, ook nie dat Fluisterbos die nuwe Eden is nie. En nog minder van Flint Fletcher se obsessie oor dié klein stukkie oerbos. Sy kon ook nie voorsien dat een van die Meetsnoer-lidmate die nag van haar aankoms op Fluisterbos vermoor sal word nie. Raine twyfel of die aarde se einde werklik in sig is, maar besef kort voor lank, haar eie is dalk wel. Soos in Springgety, Fortuin en Boheem, moet Inspekteur Gys Niemand en Fortuintjie weer hulle speurvernuf inspan, dié keer ondanks teenkanting in eie geledere. Resensies en artikels: Stephanie Nieuwoudt op LitNet oor Meetsnoer: “Paul slaag daarin om die spanning enduit vol te hou. Sodra jy dink jy het nou agter die kap van die byl gekom oor wie “goed” en wie “sleg” is, wag ’n verrassing en laai die spanning weer op.” Lees die volledige resensie by http://www.litnet.co.za/meetsnoer-laat-jou-asem-ophou/ J.B. Roux se resensie: http://blogs.dieburger.com/boekredaksie25/meetsnoer-deur-chanette-paul Op Crime Beat - Karin Brynard se onderhoud met Chanette oor Meetsnoer: http://crimebeat.bookslive.co.za/blog/2010/12/06/crime-beat-karin-brynard-praat-met-chanette-paul-oor-haar-nuwe-spanningsroman-meetsnoer/ Op die Woordfees saam met Valiant Swart: http://lapa.bookslive.co.za/blog/2011/03/14/valiant-swart-gesels-met-chanette-paul-oor-meetsnoer-by-us-woordfees/ |
